1
Këngë shtegtimi.
Lum njeriu që e druan Zotin,
që ecën udhëve të tija!
2 Do të ushqehesh prej punës së duarve të tua,
i lumi ti, mirë do të kalosh!
3 Gruaja jote: vresht plot fruta
në dhomat e shtëpisë sate;
djemtë e tu: pinjoj ulliri
përreth tryezës sate!
4 Ja, se si bekohet njeriu
që e druan Zotin!
5 Të bekoftë Zoti prej Sionit
e pafsh lumturinë e Jerusalemit
në të gjitha ditët e jetës sate
6 dhe i pafsh djemtë e djemve të tu!
Paqja qoftë mbi Izraelin!