1
Mjeshtrit të korit. Për istrumente me korda. Psalm. I Davidit.
2 Kur të të thërras në ndihmë, më dëgjo, o Hyj, drejtësia ime!
Ti që më shpëtove në vështirësi:
ki mëshirë për mua e ma dëgjo lutjen!
3 Deri kur, o njerëz, do të jeni zemërgurë?
Përse e doni kotësinë e ndiqni gënjeshtrën?
4 Dijeni: Zoti bën mrekulli për shenjtin e vet,
Zoti më dëgjon kur unë e thërras në ndihmë.
5 Zemërohuni e mos mëkatoni,
përsiatni në zemrat tuaja,
në shtrojat tuaja e qetësohuni.
6 Flijoni fli drejtësie
e shpresën kijeni në Zotin!
7 Shumë thonë: “Kush do të na bëjë ta shohim fatbardhësinë”?
Le të ndritë mbi ne, o Zot, drita e fytyrës sate!
8 Ti ndikove në zemrën time më shumë gëzim
sesa kur të tjerëve u bëhet grurë e verë me shumicë!
9 Posa bie në shtrojë
gjumi menjëherë më merr në qetësi,
sepse vetëm ti, o Zot, ma jep pushimin e qetë.