Rregullimet per textin e shfaqur

¹ Vërtet të pakuptim prej natyre ishin
të gjithë ata njerëz që nuk e njohën Hyjin,
ata që prej të mirave që shihen
nuk ia dolën ta kuptojnë Atë që është,
që, duke i parë veprat, nuk e njohën mjeshtrin.

² Por, o zjarrin, o erën, o ajrin e hollë,
o kupën qiellore ose ujin e rrëmbyeshëm,
ose dritëdhënësit e qiellit
i mbajtën për zotë, zotërues të botës.

³ Nëse, të mahnitur nga bukuria e tyre,
i kanë mbajtur për hyjni,
duhet ta dinë se sa më i mirë nga ato
është Zotëruesi i tyre:
sepse, i krijoi Ai që është,
zanafilla dhe Autori i vetë bukurisë.

⁴ Nëse i ka habitur fuqia dhe veprimtaria e tyre,
duhet ta kuptojnë se sa më i fortë se ato
është Ai që i krijoi ato:

⁵ sepse prej madhërisë dhe bukurisë së krijesave
mund të njihet me krahasim Krijuesi i tyre.

⁶ Por të tillët s’meritojnë vetëm një qortim të lehtë,
sepse këta ndoshta gabojnë në mënyrë
duke kërkuar Hyjin se dëshirojnë ta gjejnë:

⁷ duke jetuar në mes të veprave të tija
mundohen t’i depërtojnë,
i besojnë pamjes së jashtme
pasi gjërat që shohin janë të bukura.

⁸ Porse mjerisht as këta s’mund të arsyetohen:

⁹ nëse qenë të aftë të kenë aq dijeni
sa që të shqyrtojnë gjithësinë,
si vallë s’e patën më lehtë
ta zbulojnë Krijuesin e të gjithave?

¹⁰

¹¹ Ose, një zdrukthëtar e pret në pyll
një dru të përshtatshëm,
me kujdes ia heq gjithë lëkurën,
me mjeshtrinë e vet që ka,
e punon një enë për përdorim të përditshëm.

¹² Pastaj, ashklat që i teprojnë
i përdor për të bërë gati ushqimin,
me të cilin ushqehet.

¹³ Nëse i tepron ndonjë copë që s’vlen për ta përdorur,
një dru i shtrembër dhe me nyje:

¹⁴ ose të ndonjë kafshe të pavlerë,
e lyen me deltinë, ia ngjyros kuq sipërfaqen,
ia mbulon çdo njollë,

¹⁵ ia punon një banesë të denjë,
e vë në mur duke e varur në gozhdë.

¹⁶ Kujdeset kështu për të që të mos bjerë,
meqenëse e di se s’është në gjendje t’i ndihmojë vetvetes,
është vetëm figurë e ka nevojë t’i ndihmohet.

¹⁷ Megjithëkëtë, kur lutet për pasuri, martesë e fëmijë
nuk skuqet të bisedojë me të, që është e pajetë,
i lutet të sëmurit për shëndet,

¹⁸ për jetë i lutet të vdekurit,
për ndihmë e thërret vetë pamundësinë
e për udhë të mbarë atë që as të ecë s’mundet,

¹⁹ dhe, për të fituar e për të vepruar
e për t’i shkuar mbarë puna e duarve të veta,
kërkon shkathtësi prej atij
që është krejtësisht i ngathët!